أنا ميسا… وشغلي مع أصحاب المشاريع والشركات ما ببلّش من “تصميم”، ببلّش من فهم دقيق لواقعكم اللي هو عبارة عن : منافسة عالية، جمهور مشتّت، وصورة للعلامة ما عم توصّل القيمة الحقيقية لشغلكم.
هون بيجي دوري …

البراندينغ واللوغو  مش “شكل حلو”.

البراندينغ هو النظام اللي بحدد علاقتكم بجمهوركم : بيحكي هويّتكم، بقوّي ثقتهم فيكم، ويخلّي قرار الشراء عندهم أسهل. لما الهويّة تكون مدروسة صح… بتصير نقطة تفوّق، وبتصير وسيلة لإغلاق صفقات أسرع، وتسويق أوضح، وصورة اعلانية اقوى ما بتخرب كل فترة.

ولأن الشعار هو حجر الأساس في أي هوية، بشتغل معكم على guideline grid واضح ومدروس. هذا المخطّط اللي شايفينه بالصورة فوق .. مش مجرد خطوط هندسية… هو النظام اللي بضبط توازن الشعار، تناسقه، ودقّته.

وجوده بيطمّنكم إن الشعار مبني صح، مش “مرسوم عالسريع”، وبيعطيكم علامة بصرية ثابتة قادرة تعيش سنين بدون ما تخافوا إنها تفقد هيبتها أو تتشوّه مع الاستخدام.
هذا النوع من الدقّة هو اللي بيفرق بين شعار “عادي”… وشعار ” مدروس ” بتحس بثقله من أول نظرة—وهو تمامًا اللي بشتغله إلكم.

أنا بساعدكم تبنوا هويّة بصرية تلبّي متطلبات شغلكم فعليًا :
هويّة تعكس القيمة اللي بتقدّموها، وتجاوب على أسئلة الناس قبل ما يسألوها، وتخفّف عنكم فوضى التسويق اليومي.
هويّة تُكسبكم ثقة أكبر، لأن العميل لما يشوف علامة مرتّبة، واضحة، وموحّدة… بيعرف إنه عم يتعامل مع حد فاهم لعبة السوق.

دوري هو أترجم أهدافكم لشكل، وصوت، ورسالة… تمسّ جمهوركم وتشدّهم.
وبس يكون عندكم براند مبني بطريقة صحيحة، بتصير حملاتكم أسهل، ومحتواكم أقوى، ووجودكم بالسوق أذكى.

هذا النوع من البراندينغ هو اللي بشتغل عليه معكم… خطوة بخطوة، على قياس مشروعكم، وبطريقة تشبهكم فعلًا.